Нұр-Сұлтан - 106,8FM Алматы - 101,00 FM Шымкент - 106,40FM Талдықорған - 101,00FM Көкшетау - 101,00FM Ақтөбе - 102,20FM Атырау - 101,00FM Өскемен - 104,00FM Семей - 100,10FM Аягөз - 101,00FM Тараз - 100,80FM Орал - 101,20FM Қарағанды - 103,40FM Қызылорда - 102,00FM Ақтау - 100,5FM Павлодар - 101,00FM Петропавл - 106,80FM Түркістан - 101,00FM

«Qazaq radiosy» шекара маңындағы 400-ден астам ауылда хабар таратуды бастайды

«Qazaq radiosy» шекара маңындағы 400-ден астам ауылда хабар таратуды бастайды

«Qazaq radiosy»-ның 100 жылдығы мен Қазақстан Тәуелсіздігінің 30 жылдығына орай 630 мыңнан астам тұрғыны бар Түркістан, Жамбыл және Шығыс Қазақстан облыстарының шекара маңындағы 400-ден астам ауыл отандық радиоарналардың хабарларын тыңдауға мүмкіндік алады.

ҚР Ақпарат және қоғамдық даму министрлігімен шекара маңындағы аудандарда Қазақстанның ақпараттық қауіпсіздігін қамтамасыз ету үшін радиостанциялар желісін кеңейту туралы шешім әзірленді. «Qazaq radiosy» бағдарламаларын тарату басым тәртіппен жүргізілетін болады. Бұл жобаны іске асыру үшін ҚР шекара маңы аумақтарында радиохабар таратудың мемлекеттік желісін дамыту жөніндегі жол картасы әзірленді.

Жол картасына сәйкес радиохабар тарату желісін 2021 жылдан бастап 2024 жылға дейін төрт кезеңде дамыту жоспарлануда.

Қазіргі уақытта Министрлікпен телерадио хабарларын тарату үшін радиожиілік спектрін (РЖС) бөлу бойынша конкурс өткізілді.

Министрлікпен өткізілетін конкурста 107 радиожиілік спектрі бөлінді. Оның 89-ы «Qazaq radiosy», 18-і «Шалқар» радиосы үшін.

Радиожиілік беру 2022-2025 жылдарға арналған ҚР шекара маңы аумақтарында радиохабар таратудың мемлекеттік желісін дамыту жөніндегі Жол картасының 1-кезеңіне сәйкес жүзеге асырылды.

Биыл эфирлік хабар тарату бойынша алғашқы және ең ауқымды радиоарна - «Qazaq radiosy» 100 жылдық мерейтойын атап өтуде. Қазір «Qazaq radiosy» еліміздің 89% аумағында хабар таратады және Қазақстанның барлық шекаралас аудандарын қамтуды жоспарлап отыр.



Дереккөз: ҚР Ақпарат және қоғамдық даму министрлігінің ресми сайты