+32°С: Демалыс күндеріне арналған ауа райы болжамы жарияланды

+32°С: Демалыс күндеріне арналған ауа райы болжамы жарияланды 

Қазақстан бойынша 2026 жылғы 19-21 қыркүйекке арналған ауа райы болжамы.

Қазақстанда 19-21 қыркүйекте күн жылы болады. «Қазгидромет» мәліметінше, ауа райы тұрақталып, елдің солтүстігі мен солтүстік-батысында жауын-шашын тоқтайды.
Ауа райы жылы болады
Ауа температурасы көтеріледі. Қазақстанның батысында жауын-шашынсыз ауа райы сақталады.
«Күндізгі уақытта еліміздің солтүстігінде ауа температурасы +17…+25°С, орталық өңірлер мен батыста +20…+28°С-қа дейін, оңтүстік пен оңтүстік-шығыста ауа +27…+32°С-қа дейін жылынады», – делінген хабарламада.
Синоптиктер оңтүстік пен оңтүстік-шығыстың жекелеген аудандарында найзағай ойнап, жел күшейетінін және қысқа мерзімді жаңбыр жауатынын болжайды.
Таулы аймақтарда нөсер жаңбыр жаууы ықтимал. Ал оңтүстік өңірлерде жылы ауа райы сақталады.

Фото: