Бақтиер Зайнутдинов Ұлттық құраманың алдағы ойындарына қатыспайды

Футболдан Қазақстан ұлттық құрамасының ойыншысы Бақтиер Зайнутдинов Сан-Марино және Словениямен өтетін матчтарға қатыса алмайды, деп хабарлайды qazradio.fm.

ҚФФ мәлімдеуінше, Бақтиер «Бешикташ» – «Ыстамбұл Башакшехир» матчында мұрын сүйегі мен көз ұясының негізін сындырып алған. Жарақытнан толықтай айығуы үшін кемі 2-3 апта уақыт кетеді.

"Жоспар бойынша Бақтиер Зайнутдинов ұлттық құрама сапына бүгін қосылу керек болатын. Өкінішке қарай, оқу-жаттығу жиынын және шешуші екі ойынды жіберуге мәжбүр",- деп жазды федерацияның баспасөз қызметі. 

Айта кетейік, бұған дейін Бақтиер Зайнутдиновқа ресми түрде диагноз қойылып, ота жасалғаны айтылған еді.

Фото: ҚФФ