Астанада қаржы пирамидаларының жетекшілері сотталды
![Астанада қаржы пирамидаларының жетекшілері сотталды](https://cdn.qazradio.fm/2023/11/16/1700131497612.jpg?w=750&format=jpg)
Қылмыстық істер жөніндегі ауданаралық сотының үкімімен «Antares» қаржылық пирамидасының екі жетекшісінің мүліктері тәркіленіп, 5 жыл 6 ай және 6 жыл 6 айға бас бостандығынан айырылды деп хабарлайды qazradio.fm. Бұл туралы ҚР Бас прокуратурасының баспасөз қызметі жария етті.
Мемлекеттік айыптаушы барлық дәлелдемелерді ұсына отырып, сотталушылардың кінәсіздігі жөніндегі уәждерін жоққа шығарды.
Кінәлілер Instagram жмен Telegram әлеуметтік желілері арқылы қысқа мерзімде ақша табу мүмкіндігін жарнамалап, салынған ақшаны жылдық 300%-ға дейін көбейтуге уәде берген. 33 адам пирамидаға 245 миллионнан астам теңге салған.
Жәбірленушілердің азаматтық талаптары қанағаттандырылды. Үкім күшіне енді.
Фото: gov.kz