Бір айда сыбайлас жемқорлыққа қатысты 125 қылмыс тіркелді

Бір айда сыбайлас жемқорлыққа қатысты 125 қылмыс тіркелді

Биыл маусым айында Қазақстанда сыбайлас жемқорлыққа қатысты 125 құқық бұзушылық тіркелді. Бұл туралы Ұлттық қауіпсіздік комитеті мәлімдеді.
Тіркелген сыбайлас жемқорлық фактілерінің ішінде:
парақорлық – 97;
алаяқтық – 9;
лауазымдық өкілеттіктерді теріс пайдалану – 8;
жымқыру – 7;
қызметтік жалғандық – 3;
билікті асыра пайдалану – 1.
Қылмыстық істер бойынша 67 адам күдікке ілінді. Сондай-ақ 149 қылмыстық істі тергеу аяқталып, оның 129-ы сотқа жолданды.
Аяқталған қылмыстық істер бойынша келтірілген залалдың жалпы сомасы 4,7 млрд теңгені құрады. Оның 2,1 млрд теңгесі бюджетке қайтарылды. Сонымен қатар құны 971,4 млн теңге болатын мүлікке тыйым салынды, – деп хабарлады комитет.

Фото: ridus.ru